Personer markert med rød prikk er forfedre av Bjarte Hetland
Av personverngrunner blir ikke fødselsdato og ekteskapsdato til personer som antas å være i live visst.

Vik, Ola Sanderson (f. 1609, d. 1689)

Notat: Ola Sanderson var ein av dei rikaste menn i Nedstrand på midten av 1600-talet. Ein veit ikkje kor han kom frå, men farsnamnet kan tyda på at han kom frå Skottland, som fleire andre handelsmenn i Ryfylke på denne tida. Han tok borgarskap i Stavanger i 1645, og dreiv som handelsmann og skipsreiar på Strannå i Nedstrand.

Ola og første kona hans kosta den store ombygnaden av kyrkja på Hinderå som vart ferdig i 1656. Over kordøra stod innskrifta: "Denne kirke lod Ola S.S. og Marte S.D. bygge og forbædre Annio 1656". Han dreiv mykje med tømmerhandel, og han bygde opp sag på Vik kring 1680. Han hadde tidlegar brukt sagene på Baustad, Sandsgård og Musland.

I 1666 budde han ved sida av tollboden på Strannå. Denne vart rana og fleire hus sett i brann dette året, og sjørøvarane tok med seg heile formua hans. Dette kan ha vore ei av årsakene til at Ola etterkvart fekk økonomiske problem og måtte pantsetja mykje av formua si.

I 1664 kjøpte han garden Vik av Hermann Garmann, tollforvaltar i Bergen. Dei første åra bygsla han vekk garden, men i 1680 flytta han sjølv til Vik og budde der til han døydde. Ved skiftet etter Ola var det mykje gjeld i buet, og då all gjeld var betalt, var det ikkje noko att til borna. I skiftet var det ellers eit naust, eit kvernhus, halvanna sjøbod, ein seksfæring, ein færing, fleire tinngjenstandar, og eit rikt utval av klede.

Kilde: (Fødsel)
Forfatter: Hans Eyvind Næss
Tittel: Tysvær gard og ætt
Publikasjon: Tysvær kommune, 2001

Side: Bind 6, side 296
Datakvalitet: 2

Kilde: (Individ)
Forfatter: Hans Eyvind Næss
Tittel: Tysvær gard og ætt
Publikasjon: Tysvær kommune, 2001

Død: 1689 Vik, Nedstrand

Stadfæstelse af skifte/testamente: Dato: 29 JUN 1689